2026 香港巴士車身廣告價錢全攻略

香港兩間專營巴士公司覆蓋嘅區域好唔同，揀錯網絡，廣告就會喺唔啱嘅地方兜圈。落巴士車身廣告之前，最重要係諗清楚目標客人喺邊。

九巴：九龍同新界為主

九巴覆蓋九龍同新界逾七成路線，港島路線較少。一般車身廣告嘅巴士路線係隨機分配，品牌會喺全港各區穿梭，適合追求大範圍曝光嘅宣傳。想指定路線，就要揀全車身廣告（Super Whole Bus）。詳情可以睇九巴車身廣告。

城巴：港島核心商業區同機場快線

城巴嘅強項係中環、金鐘、銅鑼灣等港島核心商業區，同高消費、高密度住宅區，仲獨家坐擁前往機場嘅 Cityflyer 網絡，適合鎖定商務人士、高收入群體同旅客。Premium Super Bus 可以選擇指定路線。詳情可以睇城巴車身廣告。

無論九巴定城巴，車身廣告都可以分做四大範疇。格式愈大，震撼力愈強，預算亦愈高。

1. 全車身廣告

整架巴士包晒，360 度全方位曝光，品牌一致性最強，適合產品上市、大型節慶或建立高端品牌形象，亦係少數可以揀指定路線嘅格式。代價係預算門檻最高。熱門格式：九巴 Super Whole Bus；城巴 Premium Super Bus、Super Bus、Cityflyer。

2. 司機位側面

面積大而且形狀靈活，「T Shape」、「Half Bus」、Panorama 等設計可以好好利用巴士結構，對駕駛人士曝光效果特別好。要留意下半部分容易俾路面車輛遮擋，重要訊息要放高啲。熱門格式：九巴 Half Bus、Emperor Plus、Super T；城巴 Mega Panorama、Grand Panorama、The Emperor、The Empress、Top Wide Max。

3. 人行道側面

價錢親民，城巴每架低至每週 $1,400–1,600，適合預算有限嘅中小企，或者想「多車投放」增加接觸次數嘅活動。位置近行人，可以放多啲文字或產品資訊，不過面積同震撼力就不及前兩種。熱門格式：Hammer、Superside、L Shape。

4. 車尾廣告

成本最低，城巴 Super Rear 每架低至每週 $700。香港塞車頻繁，跟車嘅司機同乘客會長時間望住車尾，所以停留觀看時間最長，係 CP 值最高嘅選擇。空間有限，最啱放 Logo、QR Code 或者簡單標語。熱門格式：Mega Rear、Maxi Rear、Super Rear Plus、Super Rear。

• 格式大細：全車身最貴，司機位側面同人行道側面居中，車尾最平。
• 單架定 Network：一次過買一批巴士嘅 Network 套裝，同淨係落一兩架車，報價計法唔同。
• 檔期：城巴同巴士站燈箱每年 9 月至 12 月係傳統旺季，會加 15% 旺季附加費（Peak Season Loading），想慳錢可以避開呢段時間；九巴就冇旺季附加費。
• 製作同上架：巴士車身廣告嘅報價已經包埋製作同上架；巴士站燈箱嘅報價就唔包，製作同上架費要另外計。

如果想固定喺某個地段曝光，可以考慮巴士站燈箱。佢唔受巴士路線同班次影響，24 小時日夜發光。Network Buy 大約 $80,000/週起，單牌大約 $10,000/週起；銅鑼灣 SOGO 門外、金鐘太古廣場外同中環遮打道一帶屬地王級位置，需要提早預訂。另外有超過 195 個 Digital Panel 數碼螢幕網絡可以揀。詳情可以睇巴士站燈箱廣告。