攻略 / 應援廣告
2026 香港生日應援廣告價錢全攻略
Fan Birthday Advertising Guide
想幫偶像喺港鐵（地鐵）燈箱、電車或者巴士賣生日廣告？由一個 4-Sheet 燈箱到成架電車，一篇睇清應援廣告價錢、揀位同預訂要留意嘅嘢。
快速答案
生日應援廣告大約幾錢？
- 港鐵 4-Sheet 四封燈箱（單牌）
- ~$5,000/週 起
- 港鐵 12-Sheet 大堂十二封（單牌）
- ~$8,400/週 起
- 巴士站燈箱（單牌）
- ~$10,000/週 起
- 港鐵 6-Sheet Bank 六封燈箱連牌
- ~$50,000/週 起
- 港鐵 Escalator Crown 扶手電梯
- ~$80,000/週 起
- 電車站候車亭
- ~$100,000/週 起
- 港鐵 Poster on Wall 巨幅牆貼
- ~$150,000/週 起
- 電車全車身包裝
- ~$180,000/月 起
以上為 MOTIV Group 2026 年參考價，應援廣告同商業廣告用同一套收費，實際報價視乎車站、數量同檔期而定。港鐵同電車旺季會加 15% 附加費，旺季月份每年唔同，落單前要確認。
第一步
定預算：粉絲團最常見嘅三種規模
入門：一個港鐵 4-Sheet 燈箱
粉絲團最常見嘅做法，係集資租用單一個 4-Sheet 四封燈箱，喺偶像生日前後、新專輯或演唱會期間投放。單牌大約 $5,000/週起，最少租 1 週，報價已包印刷同上架。詳情可以睇港鐵四封燈箱廣告。
進階：12-Sheet 大堂燈箱或者 6-Sheet 連牌
12-Sheet 面積大約係 4-Sheet 三倍，放得落偶像等身近照，單牌大約 $8,400/週起，報價已包印刷同上架。想做一整排連環打卡牆，可以揀 6-Sheet Bank，淨係香港站、銅鑼灣站同九龍塘站有。詳情可以睇港鐵大堂十二封燈箱同港鐵六封燈箱連牌。
大型應援：扶手電梯、巨幅牆貼、電車車身
扶手電梯兩旁梯牌同乘客平齊，好似「護送」一樣一路伴隨身側，好多粉絲會企喺電梯上拍片記錄成排海報。巨幅牆貼冇燈箱邊框限制，可以放十幾米長嘅巨幅特寫或者等身合照牆。電車全車身包裝就可以將偶像鋪滿成架雙層電車，粉絲會喺社交平台分享「追車攻略」。詳情可以睇港鐵扶手電梯廣告、港鐵巨幅牆貼同電車車身廣告。
想喺街頭曝光，巴士站燈箱單牌大約 $10,000/週起，上面相中嘅生日應援就係用巴士站燈箱。想喺九龍新界都有流動曝光，可以考慮巴士車身廣告，九巴、城巴報價已包製作同上架。價錢同格式可以睇巴士車身廣告價錢全攻略。
第二步
揀位置：點樣最方便粉絲打卡？
- 揀閘外非付費區：想方便大眾打卡，優先要求揀車站大堂閘外嘅位置，唔使入閘都睇到，亦唔會阻礙月台同閘內人流。
- 月台燈箱揀車頭車尾：如果揀月台，列車頭、尾位置通常較少人聚集，但要留意列車經過會阻住拍照。
- 「本命站」：好多粉絲團會揀同偶像有關嘅車站投放，營造專屬氛圍。
- 第一類地王站最搶手：銅鑼灣、尖沙咀、中環、旺角、香港同金鐘站人流同打卡率最高，係商業品牌同大型應援團必爭之地，檔期最緊張。
第三步
預訂同審批要留意咩？
MOTIV 提提你
- 港鐵（地鐵）廣告以週為單位，唔接受一日嘅 booking。就算只係想慶祝生日當日，都最少要租 1 週。
- 應援廣告同商業廣告一樣要經過審批，設計要預留時間送審。12-Sheet 呢類大面積燈箱嘅視覺審查尤其嚴格。
- 廣告位置先到先得，熱門檔期通常要提前數月甚至半年預留，偶像生日前後更加要早啲鎖定。
- 港鐵大部分格式逢星期六上刊，計生日日期時要預埋上刊日。
唔止偶像
個人生日、紀念日都可以落廣告
港鐵 4-Sheet 燈箱唔只粉絲團用，JCDecaux 官方亦將呢個格式推廣至個人用途，例如結婚周年、畢業祝賀同寵物紀念。只要設計通過審批，個人都可以落單。
常見問題
FAQ
生日應援廣告最平幾錢？+
港鐵 4-Sheet 四封燈箱單牌大約每週 $5,000 起，最少租 1 週，報價已包印刷同上架，係應援廣告入面門檻最低嘅選擇。
地鐵生日廣告可唔可以只租一日？+
唔可以。港鐵（地鐵）廣告唔接受一日嘅 booking，以週為單位計，最少租 1 週。
應援廣告要唔要審批？+
要。應援廣告同商業廣告一樣要經過審批，設計要預留時間送審；大面積燈箱例如 12-Sheet 嘅視覺審查尤其嚴格。
要幾早預訂生日應援廣告？+
位置先到先得，熱門車站同檔期通常要提前數月甚至半年預留，尤其係銅鑼灣、尖沙咀、中環、旺角、香港同金鐘等第一類車站。
邊種格式最啱做應援？+
港鐵 4-Sheet 同 12-Sheet 燈箱係應援團嘅熱門之選；想做連環打卡牆可以揀 6-Sheet Bank 或扶手電梯；追求全港曝光可以揀電車車身或巴士車身廣告。
個人可唔可以落生日廣告？+
可以。港鐵 4-Sheet 燈箱亦適用於個人用途，例如結婚周年、畢業祝賀同寵物紀念，設計同樣要經過審批。